[Hymne]
Konm 1 zwazo mi pran lanvol
Dési la mèr mi suiv lo van
Ma mont aou mon gran lékol 1 loséan
Èk son 5 kontinan
Ma minn aou péi Sinpol
In gran berso po tout zanfan
La port anou si son zépol, la mont lo kan
Pou promyé zabitan
Aprann ansanm, po myé grandi
Désine ansanm 1 gran péi
Anpar zépol, po done la vwa
Na shant nout tout an kèr dann la Koral Tania LALALA.
Péi Lo Por, rann amwin fyèr
Èk tout Domoun mi vé marshé
Bann kaz atèr, èk kaz anlèr, dann tout kartyé
Ansanm po défilé
I fé pa fré dann Trwa Basin
Plis ou mont plis marmay lé sho
Na la pintir, na sirkasyin, na M.A.O
La kiltir an rézo
Fane out fonnkèr, san fantézi
Aprann téat, san fé la komédi
Anpar zépol, po done la vwa
Na shant nout tout an kèr dann la Koral Lena
LALALA.
Alon dann kèr La Posésyon
Laba na trouv la sours lo van
Inspir 1 bon kou apré souf dann Flanbwayan
Wa fé dans tout zanfan
Agard koman Sin Lé lé gran
Lèspri Éli i ronn dann lèr
I di dann kokiyaz i antan, lo son la mèr
Dann in kèr, sat roulèr
Dans tout ton lam, san fé sanblan
Brod ton zoli linz , san dégizman
Anpar zépol, po done la vwa
Na shant nout tout an kèr dann la Koral Zama LALALA
Po kosa ti kashièt don ?!
Aswar na manzé si la tab
Po kosa ti kashièt té ?!
Zordi na kabar dann somin
Zordi na kabar dann somin
La pa bozwin ti kashièt !
Aswar na manzé si la tab
La pa bozwin ti kashièt !
Découvrez le projet Pédagogique et Artistique de l’année scolaire 2022-2023 de l’EAIO
contact@eaio.re
Tél : 0262 32 12 12
Le siège de l'EAIO se trouve au 100 rue des Cardinaux, Plateau Caillou, 97460 Plateau Caillou,
