Dann nout lékol, sak klas la désid fé, tousèl ou an loutouraz, in zafèr dann la kour.
N’inpé i okip é i sony poul, n’inpé i okip basin pwason é sony pwason, n’inpé i plant dori…
Anou, nou plant zèrbaz péi. Sa in manyir sov nout patrimwane é fé viv la tradision kréol.
Dann nout karé zèrbaz ou va trouv safran vèr, vèrvinn, sitronèl, lo tin, zartiso,.. Nou pankor fini, n’ankor i vyin !
Lo karé zèrbaz
Isi, lo zardinié i prépar inn pti plan sitronèl po sak marmay la klas.
Li mèt in plan vèrvinn dann la tèr.
Basin pwason.
Sat lé osi gayar kan nou lé dann zardin, sé nou koz ryink kréol : nou amont an kréol, nou èsplik an kréol é nou aprann an kréol…
Po pa oubli in pan nout kiltir, nou fini nout latélié èk dé-trwa sirandane, dé-trwa dévinay, dé-trwa zèdmo, dé-trwa dévinèt kréol si ou préfèr tousala po mèt anlèr nout bann zarlor é po sov sat i rès…
- Soulié verni dann karton zone.
- Kan mwin lé marmay, mwin lé abiyé ; kan mwin lé gran, mwin lé touni.
- Pti manmzèl rouz dann fotëy vér.
- Mwin lé né èk in kourone, mi port mil pti zanfan, rouv mon vant ou va trouv mon trézor.
- Foré san zwazo, sièl san zétwal, mèr san pwason.
- Rob rouz, zipon blan, soulyé verni.
Réponses : 1. Bibas – 2. Fig – 3. Frèz – 4. Grénad – 5. Koko – 6. Lètsi ..
La klas CE1, Lékol Lo Plat
